Budaya & Sastra
Ruang untuk isu Budaya dan Sastra dapat anda isi di sini atau Ruang untuk berprosa ria, bermimpi, fantasi dan imajinasi. silahkan Anda nikmati!
The Champa Institute
Democracy and Social Justice
Recent Posts
-
Recent Comments
arul ch on Komalasa The Champa Institute on Komalasa dir88gun on Pemilu 2009 Tentukan Generasi … Rusa Bawean™ on Tak Bisa Menjawab, Mata Murid … arulchandrana on Komalasa
Blogroll
Meta
Subscribe
Champa Institute said
Ghughuritan
Ka tasék ka nosa-nosa
Mangghang ajam épakadzira
Jhak paté ma sosah-sosah
Bulan tangghal épakabina
Tétté opak tétté obi
Ététtia paremmekka
Karé rosak karé rogi
Tak andik épanoroka
Ka Tambhak mellia kerrang
Pamoléna nétér kamoddhi
Étabhak kocak kékérém
Éongkal ghalang pamoghi
Arongsang monyéna ghingghung
Nyebbhat lanas ka laok songai
Até rongsang tak nyéddha tédung
Nyebbhut nyama arassa kongang
Anapé paték mak tékpang
Tatandung é tabun pandak
Anapé até mak rongsang
Ngotéé ka lébur lambak
(bersambung)
Champa Institute said
Ghughuritan (sambungan)
Aongghaa ka ghunong Sosah
Tak kellar métella talé
Éson senneng tak bisa épésah
Pékkéran posang haténgah maté
Kolang-kaléng buona arrén
Lakaré potot-pototna
Kolar-kalér ka bengkona oréng
Men nyakaré ghutol tootna
Atapia rapék-rapék
Nyabak tobung é bhabhatoran
Alakia kakék-kakék
Mén tédung abhubhungkoran
Ka tasék ka Nosa-nosa
Jhukok lanjhang éghuringaken
Ajjhak katék ka sosah-sosah
Bulan tangghal pakabinaken
Ka Tajhung mellia bharang
Ka Maddhuro mellia ghambhir
Bule akéjhung banné ma garang
Hakén bada malemmes bibir
Akellaa totongkol loréng
Hakerrak sabak é péréng
Ajjhak ngalak endikna oréng
Men tak tao ngalompak méréng
Rajana hé paraona
Étianganaa hé oré odik
Rajana pangaterrona
Étékenna tak norok andik
(bersambung)